पुस्तकाचे नाव - सत्तरीचे बोल
लेखक- डॉ. पी. एस. रामाणी
जगातील सर्वोत्तम दहा न्यूरोस्पायनल सर्जना पैकी एक डॉ. पी. एस. रामाणी . गोव्यातील एका खेडेगावात वाढलेले आणि अपार कष्ट , सातत्य याने यशाला गवसणी घालणारे डॉ. रामाणी यांनी लिहलेले "सत्तरीचे बोल" हे पुस्तक सत्तरीत असणाऱ्या साठीच नव्हे तर आताच्या धकाधकीच्या जीवनात तिशी चाळिशीत लागू होण्यासारखे आहे.
अलीकडे आपण रोज बातम्या ऐकतो तरुणांना तिशीतच हार्ट अटॅक , मधुमेह , उच्च रक्तदाब या सारखे आजार जडतात. याच मूळ कारण रोजच्या सवयींमध्ये असतं. डॉ. रामाणी म्हणतात शरीर संवर्धनासाठी वेळीच लक्ष दिल तर साठीतही माणसाचा पाठीचा कणा ताठ राहु शकतो . साठीच वय नाठीच नसून तल्लख बुद्धीच द्योतक असत.
आपल्याला जीवनावर प्रेम करायला हे पुस्तक शिकवत. डॉ. रामाणी एके ठिकाणी म्हणतात, आपल्याला हे जीवन न मागता मिळालेले आहे. पुस्तकात एके ठिकाणी मनाच्या हिमतीबद्दल सांगताना ते लोकमान्य टिळकांचं उदाहरण देतात. इंग्लंड मध्ये चिरोल खटला हरल्यानंतर कुणीतरी त्यांना बोललं, आता सार आभाळ कोसळलं. टिळक शांतपणे त्यावर उत्तरले, हरकत नाही त्या कोसळलेल्या आकाशाच्याच एकाद्या तुकड्यावर उभा राहून मी इंग्रजी सत्तेविरुद्ध झुंज देईन. माणसाची हिम्मत कशी असावी याच हे सर्वोत्तम उदाहरणं.
पुस्तकातून डॉ.रामाणी आपल्याला सकाळी लवकर उठण्याची जादू सांगतात. खरं तर माझ्या आयुष्यात ही जादू मी रोज अनुभवते. मी स्वतः पहाटे ४.३० ला दिवसाची सुरुवात करते, आणि खरंच ती वेळ मन प्रसन्न करणारी असते. पुस्तक वाचताना माझ्या या सवयीला एक नवी पुष्टी मिळाली.
पुस्तकाच्या शेवटच्या दोन भागात आपल्याला आहार आणि व्यायाम याच मार्गदर्शन डॉ. रामाणी करतात. हे पुस्तक संग्रही ठेवून डॉ. रामाणी यांनी दिलेल्या मार्गदर्शनाचा वापर केल्यास आयुष्य प्रसन्न आणि दीर्घायुषी होईल यात शंका नाही.
Insta@readersbookcafe
टिप्पण्या
टिप्पणी पोस्ट करा